İngiltərə Premyer Liqasının 12-ci turunda London “Tottenhem”i “Mançester Siti”ni darmadağın edib.
Bakıvaxtı.az-ın məlumatına görə, Mançesterdəki görüş qonaqların 4:0 hesablı qələbəsi ilə başa çatıb.
Matçda Ceyms Maddison dubla (13; 20) imza atıb, Pedro Porro (52) və Brennan Conson (93) da digər qolların müəllifi olublar.
Bununla da “Mançester Siti” bütün yarışlarda ardıcıl 5-ci məğlubiyyətini alıb. “Şəhərlilər” sonuncu dəfə 2006-cı ildə ardıcıl 5 matçda məğlub olub.
Qeyd edək ki, turnir cədvəlinə 11 oyundan 28 xal toplayan “Liverpul” başçılıq edir. Pep Qvardiolanın komandası 23 xalla ikinci, “Tottenhem” (19) isə altıncı pillədə qərarlaşıb.
Növbəti turda “Mançester Siti” səfərdə “Liverpul”la, “Tottenhem” isə dogma meydanda “Fulhem”lə qarşılaşacaq. Hər iki matç dekabrın 1-də baş tutacaq.
