İspaniya La Liqasının 2024/2025 mövsümünün 14-cü turunun "Selta Viqo" və "Barselona"nın qarşılaşdığı matç başa çatıb. Oyun Viqodakı Abanca Balaidos stadionunda baş tutub. Görüşün baş hakimi qismində Sezar Soto Qrado (İspaniya) çıxış edib.
SİA-nın əldə etdiyi məlumata görə, komandalar 2:2 hesabı ilə bərabərə qalıblar.
15-ci dəqiqədə "Barselona"nın hücumçusu Rafinya hesabı açıb. Hücumçu Robert Levandovski 61-ci dəqiqədə qonaqların üstünlüyünü artırıb. 82-ci dəqiqədə "Blauqrana"nın yarımmüdafiəçisi Mark Kasado meydandan qovulub.
"Selta"nın futbolçusu Alfonso Qonzales 84-cü dəqiqədə fərqlənib. İki dəqiqə sonra Huqo Alvares hesabı bərabərləşdirib.
Keçirilən 14 matçdan sonra "Barselona" 34 xalla La Liqanın turnir cədvəlinə başçılıq edir. Eyni sayda oyundan sonra "Selta" 18 xal toplayaraq 11-ci yerdədir.
Nazlı Almuradova
