ABŞ-ın Kolorado ştatında "Cessna 182" tipli yüngül mühərrikli təyyarə qəzaya uğrayıb.
Milli.Az "fox21news"a istinadən xəbər verir ki, bu barədə Ştat Qubernatoru Jared Polis verdiyi açıqlamada deyib.
Onun sözlərinə görə, təyyarə axtarış-xilasetmə missiyası çərçivəsində uçuş həyata keçirərkən Boulder şəhərindən 77 km şimalda qəzaya düşüb. Təyyarənin göyərtəsində mülki hava patrulunun könüllü üzvləri olub.
Həyatını itirənlərin pilot Susan Volber və aerofotoqraf Cay Rhoten olduğunu bildirilir. Üçüncü şəxs isə Randall Settergendir. O, ciddi xəsarətlər alıb və yerində ilkin tibbi yardım göstərildikdən sonra xəstəxanaya təxliyə olunub.
"Bugünkü qəza nəticəsində həyatını itirən iki fədakar vətəndaş hava patrulunun üzvü, pilot Susan Volber və hava fotoqrafı Cay Rhoten barədə eşitdiyimə kədərləndim. Onların ailələri, dostları və həmkarlarına ilə başsağlığı verirəm", şəhər qubernatoru bildirib.
Hazırda qəzanın səbəbləri araşdırılır. Yerli hakimiyyət orqanları faciə ilə bağlı təhqiqat aparır.
Xəyal Abdullayev
Milli.Az
