İrlandiyada "Burt" qasırğasının yaratdığı daşqınlar nəticəsində 34 min ev elektrik enerjisiz qalıb.
Day.Az xəbər verir ki, bu barədə ESB Networks xidməti məlumat yayıb.
Xidmətin açıqlamasına görə, xüsusilə Donegal, Sligo, Mayo və Galway əyalətlərində 11 min insan enerji təchizatından məhrum olub. Elektrik enerjisinin bərpası üçün ekipajlar gün boyu işlərini davam etdirəcəklər, lakin bəzi bölgələrdə sakinlərin bir gecə işıqsız qalacağı gözlənilir.
Həmçinin Konnemara və Qərbi Mayo bölgələrində qar və buzun ciddi fəsadlar törətdiyi vurğulanır. ESB-nin məlumatına əsasən, qasırğa ümumilikdə 60 min evə ziyan vurub, onlardan 34 mini hazırda hələ də işıqsızdır.
Hadisə nəticəsində yaranan fəsadların aradan qaldırılması istiqamətində işlər davam edir.
