“Real” qış “transfer pəncərəsi” dövründə müdafiə xəttini gücləndirməyə hazırlaşır.
Tanınmış insayder Fabritsio Romanonun məlumatına görə, Madrid klubu “Leyptsiq”in oyunçusu Kastello Lukebanı transfer etməyi planlaşdırır. Romano “Real”ın bu halda 21 yaşlı müdafiəçi üçün 90 milyon avro ödəməli olacağını da qeyd edib.
Kastello bu mövsüm bütün turnirlərdə 12 matçda iştirak edib. Futbolçunun klubu ilə müqaviləsinin müddəti 2029-cu ilin yayına qədər nəzərdə tutulub.
