Keçmiş Amerika kəşfiyyatçısı Skott Ritter ABŞ administrasiyasının ölkə vətəndaşlarının səsini eşitməyi dayandırdığını bildirib.
O , bu barədə “Dialogue Works” YouTube kanalına müsahibəsində danışıb.
Ritterin sözlərinə görə, ABŞ vətəndaşlarının səsini eşitdirmək üçün bir yol tapılmadıqca, prezident Co Bayden administrasiyası hamının zərərinə siyasət yürütməyə davam edəcək.
Keçmiş kəşfiyyatçı hesab edir ki, Bayden bütün dünyanı nüvə münaqişəsinin başlanmasına doğru sövq edir.
“Kiçik nüvə mübadiləsi deyə bir şey yoxdur… məhdud nüvə müharibəsi kimi bir şey yoxdur. Nüvə silahı buraxıldıqdan sonra… o, ilk partlayışdan 72 dəqiqə sonra nəzarətdən çıxacaq”, – deyə o, izah edib.
Daha əvvəl Rusiya prezidentinin mətbuat katibi Dmitri Peskov demişdi ki, Bayden administrasiyası “müharibə tərəfinə” aiddir və Ukraynada münaqişənin davam etməsi üçün hər şeyi edir.
DOĞRU.AZ
