“Verona”nın baş məşqçisi Paolo Zanetti komandanın futbolçularını klubun məşq düşərgəsində “həbs” etmək qərarına gəlib.
Arena.az bu barədə İtaliya klubunun rəsmi sayıtna istinadən məlumat verir.
İtalyan mütəxəssisin müvafiq qərarına, “mastiflər”in İtaliya A Seriyasının 13-cü turu çərçivəsində evdə “İnter”ə 0:5 hesablı məğlubiyyəti səbəb olub:
“Düşünürəm ki, mənim oğlanlarımın başlarında nə isə qaydasında deyil və bunu çözmək gərəkdir. Buna görə də, məqbul oyun səviyyəsinə çatana qədər qeyri-müəyyən müddətə düşərgəmizdə qapanırıq”, deyə Zanetti açıqlayıb.
13 turdan sonra “Verona” 12 xalla İtaliya A Seriyasının yarış cədvəlində 14-cü pillədə qərarlaşıb. “İnter” isə 28 xalla 2-ci yerdədir. İtaliya A Seriyasına 29 xalla “Napoli” başçılıq edir.
