Əliyar Ağayev Avropa Liqasının oyununa təyinat aldı

FİFA referisi Əliyar Ağayev UEFA-dan növbəti dəfə təyinat alıb.

"Football-plus.az" xəbər verir ki, Ə.Ağayev UEFA Avropa Liqasının Liqa mərhələsinin 5-ci turu çərçivəsində keçiriləcək “Ferentsvaroş” (Macarıstan) – “Malmö” (İsveç) oyununun baş hakimi olacaq.

Ona Zeynal Zeynalov və Akif Əmirəli kömək edəcəklər. Dördüncü hakim funksiyasını İnqilab Məmmədov yerinə yetirəcək.

Noyabrın 28-də Budapeşt şəhərində yerləşən “Ferentsvaroş” stadionunda keçiriləcək görüş Bakı vaxtı ilə saat 00.00-da başlayacaq.