ABŞ Prezidenti Co Bayden Nyu Yorkda Şükranlıq Günü ərəfəsində keçirilən tədbirdə zarafatla işdən çıxarıldığını deyib.
“Cebheinfo.az” xəbər verir ki, bu barədə bazar ertəsi Ağ Evin mətbuat xidməti məlumat yayıb.
“Prezident qısa yekun bəyanatla çıxış etdi. “İndicə mənə dedilər ki, məni işdən çıxarıblar. Təşəkkür edirəm, ürəyimin altından təşəkkür edirəm",- deyə o, ayaqda alqışlara əlavə etdi", - deyə məlumatda deyilir.
Amerikanın seçilmiş lideri Donald Tramp və onun kampaniya komandasının üzvləri əvvəllər Bayden və ABŞ vitse-prezidenti Kamala Harrisi “qovacaqlarına” söz vermişdilər. Respublikaçıların mitinqlərində mütəmadi olaraq “Co, işdən çıxarıldın” və ya “Kəmalə, işdən çıxarıldın” ifadələri eşidilirdi.
Xəzər
“Cebheinfo.az”
