Son 24 saat ərzində Rusiya ordusu Xarkov vilayətinin Kopanki kəndini ələ keçirib.
Sitat.info Rusiya KİV-nə istinadən xəbər verir ki, bu barədə Rusiya Müdafiə Nazirliyi məlumat yayıb.
“Qərb qoşun qruplaşmasının bölmələri qətiyyətli hərəkətlər nəticəsində Xarkov vilayətinin Kopanki qəsəbəsini azad edib”, - deyə məlumatda bildirilir.
Müdafiə Nazirliyi əlavə edib ki, qrup gün ərzində Ukrayna Silahlı Qüvvələrinin beş əks-hücumunu dəf edib: “Silahlı qüvvələrimiz düşmənin 440-a qədər hərbi qulluqçusu, bir tank, bir zirehli döyüş maşını, beş avtomobil, Polşa istehsalı olan 155 mm-lik “Krab” özüyeriyən artilleriya qurğusu “Enklav-N” elektron döyüş stansiyası və üç səhra sursat anbarı məhv edilib".
Aytac,
Sitat.info
