İsrail ordusunun Livanın cənub və şərqində həyata keçirdiyi hava hücumlarında 13 nəfərin həyatını itirdiyi bildirilib.
"Cebheinfo.az" Livanın rəsmi xəbər agentliyi NNA-ya istinadən xəbər verir ki, İsrail döyüş təyyarələri ölkənin cənubunda yerləşən Nəbatiyə vilayətində kənd və qəsəbələri bombalayıb.
Hücumlarda 8 nəfər ölüb, çoxlu sayda insan yaralanıb.
İsrail ordusunun Sidon şəhərinə təşkil etdiyi hücumda 1 nəfər ölüb, 7 nəfər yaralanıb.
İsrailin Livanın şərqindəki Baalbek-Hermel bölgəsindəki Nəbi Şit qəsəbəsinə hücumu nəticəsində 4 nəfərin öldüyü bildirilib.
Ötən gün İsrail ordusunun Livanın cənubundakı Sur şəhərinin müxtəlif bölgələrində həyata keçirdiyi hücumlarda 23 nəfər həyatını itirmişdi.
