"Yuventus"un və "Mançester Yunayted"in keçmiş futbolçusu Pol Poqbanın həyat yoldaşı Zulayın 31 yaşı tamam olub.
Sportinfo.az xəbər verir ki, ulduz oyunçunun həyat yoldaşı bu münasibətlə zərif bir məkanda səs-küylü qonaqlıq verib
. Maraqlıdır ki, futbolçu tədbirin bütün təşkilini öz üzərinə götürüb:
“31 yaşıma xoş gəlmisiniz!!! Hər kəsə və hər şeyə görə çox minnətdaram və xoşbəxtəm. Hər şeyi reallaşdırdığı üçün "körpə"mə təşəkkür edirəm”, - deyə Zulay sosial şəbəkə hesabında yazıb.
Poqba həyat yoldaşına cavab verməyi unutmayıb: "Yaşasın, Kraliça! Allah sənə uzun illər versin, kraliçam! Amin!"
Şənliyin bütün əzəmətini dərc olunmuş fotolardan qiymətləndirmək olar. Məclis əyləncəli, qlamur və zəngin bir formatda keçib. Böyük ölçüdə olan tort da xüsusi tərifə layiqdir.
