Güclü dalğa göyərtəsində 45 nəfərin olduğu yaxtanı suya qərq edib.
Reyting.az xəbər verir ki, hadisə barədə Misir KİV-i məlumat yayıb.
Hadisə Qırmızı dənizdəki “Shark House” ərazisində qeydə alınıb. İlkin məlumatlara görə, faciəyə səbəb nəhəng dalğanın yaxtaya çırpılmasıdır.
“Ölənlərdən dördünün cəsədi tapılıb. 31 sərnişin xilas edilib, digərlərinin axtarışı davam edir, amma onların sağ qalma ehtimalı çox azdır. Həmin ərazi köpək balıqları ilə doludur”, - Qırmızı dəniz vilayətinin qubernatoru Əmr Hənəfi bildirib.
O, qeyd edib ki, yaxtada 13 ölkənin vətəndaşı olub.
V. QULİYEV
