Hadisənin üstündən bir aydan çox keçməsinə baxmayaraq, Liam Paynenin Argentinada qaldığı otelin eyvanından yıxılaraq ölməsi ilə bağlı yeni təfərrüatlar ortaya çıxır. Dağılan “One Direction” qrupunun üzvü otel otağından qaçmaq istəyərkən yıxılıb.
Hafta.az-ın TMZ jurnal saytına istinadən yazdığına görə, təhlükəsizlik kamerası görüntüləri, polis hesabatları və şahidlərə əsaslanaraq, otel işçiləri 31 yaşlı britaniyalının eyvandan qaçış yolu kimi istifadə edə biləcəyini deyiblər.
Kamera qeydləri Argentinanın paytaxtı Buenos-Ayresdəki CasaSur Palermo otelinin foyesinə enən Peynin üç işçi tərəfindən otağına aparıldığı, lakin müğənninin içəri girmək istəmədiyi ortaya çıxıb.
Daha sonra otel işçilərindən biri polisə zəng edərək "Həyatının təhlükədə ola biləcəyini bilmirəm. Balkonlu otaqdadır, ona görə də bir az qorxuruq" deyiblər.
Üçüncü mərtəbədən aşağıdakı eyvana enmək istəyən Peynin yıxılaraq öldüyü təxmin edilir. İkinci mərtəbənin eyvanında görünən “Liam üçün” yazısı olan çanta bu fikri təsdiqləyir.
Daha bir çanta isə müğənninin çiyninə bağlanıb. Bütün bunlar müğənninin özü ilə narkotik, spirtli içki və papaq götürərək otaqdan qaçmağı planlaşdırdığından xəbər verir.
TMZ-nin mənbələrindən biri otelin müştərilərinin təhlükəsizliyini deyil, əşyalarını qorumağa çalışdığını və Argentina rəsmilərinin onları dəstəklədiyini iddia edib.
Jurnal saytı sentyabrın ortalarında çoxlu narkotik istifadə edən müğənninin cangüdəninin onu Florida ştatında bir evin otağına bağladığını, lakin Peynin eyvandan bağ şlanqı ilə qaçdığını bildirib.
Argentina polisi yüzlərlə saatlıq təhlükəsizlik kamerası görüntülərindən istifadə edərək Peynin ölümündən bir neçə gün əvvəl nə etdiyini araşdırmağa davam edir.
Müğənninin iki seks işçisi ilə narkotik qəbul etdiyi güman edilir. Yarılma zamanı tapılan müxtəlif dərmanlar bu müşahidəni təsdiqləyir.
Müğənninin çərşənbə günü Böyük Britaniyada keçirilən dəfn mərasimində keçmiş qrup yoldaşları Harri Stiles, Zeyn Malik, Luis Tomlinson və Niall Horan, eləcə də sevgilisi Keyt Kassidi və 7 yaşlı övladı Bear Qrey, Paynenin anası Çeril Col iştirak edib.
