“Real”ın baş məşqçisi Karlo Ançelotti Çempionlar Liqasında bu gün “Liverpul”la oyun haqda fikirlərini bölüşüb.
Futbolpress.az xəbər verir ki, mütəxəssis matçla bağlı bunları deyib:
“Hər qələbə mənə daha çox inam verir. “Liverpul” bu mövsüm çox yaxşı çıxış edir. Lakin biz qayıtdıq və yaxşı nəticəyə ümid edirik. Güclü heyətimiz var və əla matç olacaq.
Mümkün qədər çox xal qazanmalıyıq. Artıq iki dəfə uduzmuşuq və ilk “8-lik”də olmamaq təhlükəmiz var. Buna görə hər oyun xal qazanmalıyıq.
“Liverpul” tarixi olan böyük klubdur. Onlar Yurgen Kloppun vaxtında da güclü idilər, indi yeni baş məşqçinin dövründə də güclüdürlər”.
Oyun saat 00:00-da start götürəcək.
