Yeni Avropa Komissiyası fəaliyyətinin ilk 100 günü ərzində Avropa İttifaqının ilk hərbi-sənaye strategiyasını qəbul edəcək. AFN.az xarici mediaya istinadən xəbər verir ki, bu haqda qurumun sədri Ursula fon der Leyen bu qurumun proqramını Avropa Parlamentinin iclasında təqdim edərkən bildirib. “Biz ilk 100 gün ərzində Avropa İttifaqının müdafiə ilə bağlı Ağ Kitabını qəbul edəcəyik” - deyə Fon der Leyen qeyd edib. Onun sözlərinə görə, litvalı Andrius Kubilius Avropa Komissiyasının yeni tərkibində icmanın militarizasiyasına cavabdeh olacaq.
