1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Rusiya millisinin və Sankt-Peterburq "Zenit"inin keçmiş futbolçusu Andrey Arşavin keçmiş həyat yoldaşı Yuliya Baranovskayanın onun başında kompüter sındırdığını deyib.
Oxu.Az-ın xəbərinə görə, Arşavin bu barədə "Kartlar, pullar, iki top" adlı şou-proqramda danışıb.
"Yulka bir dəfə məni kompüterlə... Mən uzanmışdım, o gəldi və kompüteri başımda elə sındırdı ki..." - deyə o bildirib.
Arşavin və Baranovskaya doqquz il evli olub, 2012-ci ildə ayrılıblar. Onların üç övladı var.
Qeyd edək ki, 1999-cu ildə Arşavin "Zenit"də ən yüksək səviyyədə debüt edib. Sankt-Peterburq komandasında doqquz ildən sonra rusiyalı futbolçu Londonun "Arsenal" klubuna keçid edib. Arşavin dörd il ərzində İngiltərədə oynayıb. 2009-cu ilin aprelində o, liqada "Ayın oyunçusu" adını qazanıb.
2012-ci ildə icarə əsasında "Zenit"ə qayıdıb, bir ildən sonra isə tamhüquqlu müqavilə imzalayıb. 2015-ci ildə yarımmüdafiəçi "Kuban" klubunda çıxış edib. Arşavin karyerasını 2018-ci ildə Qazaxıstanın "Kayrat" klubunda başa vurub.
