Fransanın enerji nəhəngi “Total” Trampın qələbəsindən sonra Nyu Yorkda dəniz küləyi layihəsini dayandırıb.
Publika.az xəbər verir ki, “Total Energies SE” ABŞ-ın yeni seçilmiş prezidenti Donald Trampın yaşıl sənayenin qarşısını alacağına əmin olduğu üçün Nyu York yaxınlığında planlaşdırılan dəniz külək təsərrüfatının işlənməsini dayandırıb.
“Total”ın icraçı direktoru Patrik Pouyanne verdiyi açıqlamada Trampın qayıdışı ilə dənizdə külək layihəsini dayandırmaq qərarına gəldiyini bildirib.
Neft və qaz nəhənginin bu addımı ABŞ-ın yeni administrasiyasına aid edilən bərpa olunan enerji mənbələrinə investisiyaların dayandırılmasının ilk konkret əlamətlərindən biridir.
