Düzdü, Ronaldo ''Əl-Nəsr'' ilə mövsümün sonunda bitəcək müqaviləsini hələ də yeniləməyib. Amma onun Türkiyəyə gəlmək ehtimalı demək olar, yoxdu. Bu arada Ronaldonun dünən Joze Mourinyonun açıqlamasına ''layk'' qoyması diqqət çəkib.
Belə ki, bir səhifə Mourinyonun sözlərini paylaşıb və 39 yaşlı futbolçu da bunu bəyənib. Hazırda ''Fənər''i çalışdıran Mourinyo ötən şənbə günü ''Kayserispor''a qarşı baş tutan matçın ardından mətbuat konfransında Ronaldonun Türkiyəyə gəlmək ehtimalı ilə bağlı suala belə cavab vermişdi:
''Ronaldo bəlkə də oturub mənimlə söhbət etmək və ya yemək yemək üçün bir gün İstanbula gələ bilər. Çünki İstanbul demək olar, Portuqaliya ilə Səudiyyə Ərəbistanının düz ortasında yerləşir. Bəlkə də bir gün şəxsi təyyarəsinə minib köhnə dostunu görməyə gəldi. Amma onun ''Fənərbaxça''ya gəlmək ehtimalını soruşursuzsa, bunu yazanlar ya nə yazdıqlarını bilmirlər, ya da yalan xəbər yazmaqdan zövq alırlar''.
ƏLİ
