Bu gün Pekində Rusiya xarici işlər nazirinin müavini Mixail Qaluzinlə Çinin xarici işlər nazirinin köməkçisi Liu Bin arasında görüş olub.
Axar.az xəbər verir ki, bu barədə Rusiya Xarici İşlər Nazirliyi məlumat yayıb.
Qeyd olunub ki, görüşdə Cənubi Qafqazda vəziyyətin sabitləşdirilməsində qarşılıqlı maraq və region dövlətlərinin və onların qonşularının müvafiq səylərinin vacibliyi vurğulanıb. Moldovada yaranmış vəziyyətdən narahatlıq ifadə olunub.
Eləcə də, Avrasiyada qarşılıqlı fəaliyyət və təhlükəsizlik arxitekturasının qurulması üçün Aİİ, KTMT, MDB və digər inteqrasiya birliklərinin fəaliyyətinin böyük əhəmiyyəti qeyd edilib.
