Ukraynanın bütün bölgələrində Rusiyanın kütləvi raket və dron hücumu səbəbindən elektrik enerjisi kəsilib. Bunu Ukraynanın energetika naziri German Qaluşenko deyib.
“Yenə də enerji düşmənin kütləvi hücumu altındadır. Ukraynanın hər yerində enerji obyektlərinə hücumlar baş verir. “Ukrenergo” təcili olaraq fövqəladə elektrik kəsilməsini tətbiq edib”, - o bildirib.
Qaluşenkonun sözlərinə görə, hücumun nəticələri barədə məlumat təhlükəsizlik şəraiti imkan verən kimi dəqiqləşdiriləcək. Qeyd edək ki, bundan öncə səhərə yaxın Rusiyanın yeddi Tu-95MS strateji bombardmançı təyyarəsinin səmaya qalxdığı, saat 05:03-də isə Qara dənizdən “Kalibr” raketi ilə Ukraynaya hücum edildiyi bildirilmişdi
Rusiya-Ukrayna müharibəsinin bu mərhələsində nələr gözlənilir? Hansı tərəfin qələbəsi daha real görünür?
Bu suallarla bu gün saat 11.30-da aparıcı Sevinc Telmanqızının təqdimatındakı “Canlı debat” verilişində hərbi ekspert Üzeyir Cəfərov və siyasətçi Fikrət Yusifovla müzakirə edəcəyik. Müzakirədə tamaşaçılarımız da iştirak edə bilər.
https://www.youtube.com/@musavattv
https://www.facebook.com/tvmusavat
