İngilis mütəxəssis Frenk Lempard İngiltərə Çempionşipində çıxış edən “Koventri Siti”nin baş məşqçisi vəzifəsinə təyin edilib.
Arena.az bu barədə “Koventri Siti”nin rəsmi saytına istinadən məlumat verir:
“Koventri Siti”, Frank Lempardın klubun yeni baş məşqçisi təyin edildiyini elan etməkdən məmnundur. 46 yaşlı mütəxəssis iki il yarımlıq müqavilə imzalayıb və ilk oyununu bu şənbə günü “Koventri Bildinq Arena”da “Kardiff Siti”yə qarşı keçirəcək. Frenkə keçmişdə çox çalışdığı iki yeni məşqçi Co Edvards və Kris Cons dəstək verəcəklər”, – “səma-mavilər”in rəsmi bəyanatında deyilir.
“Koventri Siti” İngiltərə Çempionşipinin yarış cədvəlində 17 turdan sonra 17 xalla 17-ci pillədə qərarlaşıb.
Son olaraq “Çelsi”yə rəhbərlik etmiş Frenk Lempard 2023-cü ilin iyun ayından bəri işsiz idi. O, daha öncə “Everton”a və “Derbi Kaunti”yə də rəhbərlik edib.
