"Biz bütün tərəfləri etirazların dinc xarakter daşımasını təmin etməyə çağırırıq”
ABŞ Gürcüstanla strateji tərəfdaşlığını dayandırıb. Bu barədə ABŞ Dövlət Departamentinin yaydığı bəyanatda bildirilir.
""Gürcü Arzusu”nun Gürcüstanın Aİ-yə daxil olma prosesini dayandırmaq qərarı gürcü xalqının öz Konstitusiyasında təsbit olunmuş Avropa İttifaqı və NATO-ya tam inteqrasiyaya çalışmaq vədinə qarşıdır. Gürcüstanın Aİ-yə üzvlüyünü dayandırmaqla "Gürcü Arzusu” Avropa ilə yaxınlaşma ehtimalından imtina etdi və Gürcüstanı Kreml qarşısında daha həssas etdi”, – bəyanatda bildirilir.
Daha sonra qeyd olunur ki, gürcü xalqının böyük əksəriyyəti Avropa ilə inteqrasiyanı dəstəkləyir.
Birləşmiş Ştatlar toplaşmaq və ifadə hüquqlarını, o cümlədən dinc etiraz azadlığını həyata keçirməyə cəhd edən gürcülərə qarşı polisin həddindən artıq güc tətbiqini pisləyir: "Biz bütün tərəfləri etirazların dinc xarakter daşımasını təmin etməyə çağırırıq. "Gürcü Arzusu”nun müxtəlif antidemokratik hərəkətləri demokratiya, qanunun aliliyi, vətəndaş cəmiyyəti, insan hüquqlarına və əsas azadlıqlara hörmət və qarşıdurma kimi ümumi dəyərlərə və öhdəliklərə əsaslanan ABŞ-Gürcüstan strateji tərəfdaşlığımızın əsas prinsiplərini pozur. Nəticədə ABŞ bu mexanizmi dayandırır”.
"Biz bir daha Gürcüstan hökumətini Avro-Atlantik yola qayıtmağa, parlament seçkiləri zamanı bütün pozuntuları şəffaf şəkildə araşdırmağa, toplaşma və ifadə azadlığını məhdudlaşdıran antidemokratik qanunları ləğv etməyə çağırırıq”, – ABŞ Dövlət Departamentinin bəyanatında deyilir.
