Cənubi Koreyanın Ceju adasına gələn təxminən 90 nəfərlik vyetnamlı qrupdan 38-i planlaşdırılan tarixdə ölkələrinə qayıtmayıb və yoxa çıxıb.
Publika.azxəbər verir ki, Ceju Turizm Təşkilatından verilən açıqlamaya görə, təxminən 90 nəfərlik vyetnamlı turist qrupu noyabrın 14-də “VietJet” Hava Yollarına məxsus təyyarə ilə Cejuya gəlib. Qrupdakı 38 turist noyabrın 17-də geri qayıdış reysinə az qalmış yoxa çıxsa da, digər turistlər planlaşdırıldığı kimi ölkələrinə qayıdıblar.
Səlahiyyətlilər 30 günlük vizasız səyahət icazəsi olan vyetnamlıların dekabrın 14-dək adada qala biləcəyini bildirərək, itkin düşən turistlərin tapılması üçün işlərə başlanıldığını açıqlayıb.
