Bir evdə yolka bəzəmək neçəyə başa gəlir?

Yeni ilin gəlişinə az qalıb. Bu səbəbdən yeni il şənliklərinin simvolu sayılan yolkalara və bəzək əşyalarına tələbat artıb.

Gundem.az xəbər verir ki, yolkanın qiymətləri də görünüşləri kimi müxtəlifdir. 

Bəs bir evde yolka bəzəmək neçəyə başa gəlir?

Yolka ağaclarının qiyməti onların bəzəklərinə, həcminə və uzunluğuna görə fərqlənir. Bazarda hazırda balaca yolkalar təklif olunur ki, minimum 20 manatdan başlayır. Hündürlüyü 1 metr və 1 metrdən yuxarı olanlar 100-150 manat, 3 metr olanlar isə 400-450 manatdır.

Evləri Yeni il bəzəkləri olmadan təsvir etmək olmur. 

Ev üçün olan dekorların qiyməti necə dəyişir? 

Bəzəklər arasında ən çox tələbat qapı aksesuarlarıdır. Qiymətlər 20, 25 və 40 manat fərqliliyindədir. Oyuncaqlar isə qutusu 2 manatdan 15-20 manata qədərdir. Vətəndaşlar şəhərin mərkəzinə nisbətən kənar ərazilərdə qiymətlərin daha münasib olduğunu bildirirlər.