Federasiya: Təqsirkarların lazımi intizam cəzalarına məruz qalması üçün hər cür səy göstərəcəyik
“Qalatasaray İdman Klubunun və milli komandamızın dəyərli futbolçusu Barış Alper Yılmazın “Sivasspor” – “Qalatasaray” oyununda idmana uyğun olmayan müdaxilə nəticəsində zədə almasından çox təəssüflənirik”.
“İki sahil” xəbər verir ki, bu barədə Türkiyə Futbol Federasiyasının rəsmi internet saytından məlumat dərc edilib.
“Bu gün oynanılan matçda Türkiyə Futbol Federasiyası olaraq ictimaiyyətə bildirmək istərdik ki, bu kədərli hadisə hərtərəfli araşdırılacaq və hər bir futbolçunun sağlamlığı və təhlükəsizliyi üçün lazımi intizam cəzalarının verilməsi üçün əlimizdən gələni edəcəyik. Türk futbolunun bir parçası olanların sağlamlığı və təhlükəsizliyi bizim üçün əsas prioritet məsələdir”.
Məhərrəm Ağalaroğlu, “İki sahil”
