Livanın “Əl Mayadeen” telekanalı xəbər verir ki, İsrailin tankları bufer zonasından kənara çıxıb və Suriyanın cənubundakı Qatana qəsəbəsi yaxınlığında yerləşdirilib. Qəsəbə Dəməşqdən 21 km aralıda yerləşir.
“Əl Mayadeen”in məlumatına görə, İsrail əsgərləri Dəməşqin kənarındakı bir neçə kəndə daxil olub. Bundan əvvəl onlar quru əməliyyatlarını bufer zonasından kənarda deyil, yalnız onun daxilində keçirməyi planlaşdırdığını bildirib.
Qeyd edək ki, İsrail qırıcıları Suriyada hakimiyyət dəyişikliyindən sonra 250-dən çox hərbi obyektə zərbələr endirib. İsrail ordusunun “Galei IDF” radiosunun mənbəsi baş verənləri İsrail Hərbi Hava Qüvvələrinin tarixindəki ən böyük hücum əməliyyatlarından biri adlandırıb.
//Samir Qurbanov, Editor.az
