Son həftələr Nyu-York və Nyu Cersidə naməlum dron dəstələri səmada süzərkən, FTB hadisəni aydınlaşdırmaq üçün hərtərəfli araşdırmaya başlayıb.Noyabrın ortalarından etibarən, xüsusilə Nyu Cersinin müxtəlif yerlərində pilotsuz təyyarə qruplarının göründüyü bildirilir. Son zamanlar belə görüntülər Pensilvaniya və Nyu-Yorkun Staten Island əyalətlərinə yayılıb.Sosial şəbəkələrdə paylaşılan görüntülər səmada görünən sirli cihazların varlığını ortaya qoyub. Vəziyyətə nəzarət etmək üçün Federal Aviasiya Administrasiyası (FAA) Picatinny Arsenal hərbi bazası və Trump National Golf Club Bedminster üzərində müvəqqəti uçuş məhdudiyyətləri tətbiq edib. Lakin pilotsuz təyyarələrin mənbəyi və məqsədi hələlik məlum deyil.Qeyd edək ki, iki həftə əvvəl Nyu Cersidə dronlar avtomobil qəzasında yaralanan şəxsi götürmək üçün tibbi helikopterin enişinə mane olub. Bu, dronların ictimai sağlamlıq və təhlükəsizlik üçün potensial təhlükələrini artırıb.Səlahiyyətlilər ictimaiyyəti diqqətli olmağa və istənilən dron görüntülərini FTB-yə məlumat verməyə çağırıb. Vəziyyətin təhlükə yaratmadığını vurğulasalar da, dronların təyinatı və mənbəyinin müəyyənləşdirilməsi istiqamətində intensiv işlər davam edir.Mənbə: Guardian
