Suriyanın yeni administrasiyası Məhəmməd əl-Bəşiri keçid hökumətinin baş naziri seçib.
Axar.az Türkiyə mediasına istinadən xəbər verir ki, bu barədə qərar silahlı müxalifətin əməliyyat komandiri Əhməd əl-Şəra, Məhəmməd əl-Bəşir və hökuməti idarə etmək üçün təyin edilmiş rejimin keçmiş baş naziri Məhəmməd əl-Cəlali arasında keçirilən görüşdən sonra qəbul edilib.
Bəs Məhəmməd əl-Bəşir kimdir?
O, 1983-cü ildə İdlib vilayətində anadan olub. 2007-ci ildə Hələb Universitetinin elektrik və elektronika mühəndisliyi, 2021-ci ildə isə İdlib Universitetində şəriət və hüquq ixtisasları üzrə təhsil alıb.
2022-ci ildə İdlib İnqilabi Qurtuluş Hökumətində assosiasiya işləri üzrə direktor, sonra isə inkişaf və humanitar işləri naziri vəzifələrində çalışıb.
