1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Londonda fermerlər vərəsəlik vergisindəki dəyişikliklərə qarşı etiraz edərək traktorlarla parlament binasının qarşısına çıxıblar.
Oxu.Az xəbər verir ki, bu barədə "Sky News" telekanalı məlumat yayıb.
Məlumata görə, yüzlərlə fermer Vestminster ətrafındakı küçələrə toplaşıb və qəzəblərini ifadə etmək üçün traktorlarını şəhər mərkəzinə çıxarıblar. Əvvəlcə traktorlar Uaytholl küçəsində düzülüb, daha sonra Londonun mərkəzində yavaş hərəkət ediblər.
Fermerlərin narazılığı Böyük Britaniyanın Baş naziri Kir Starmerin hakimiyyətə gəlməsindən sonra elan edilən vərəsəlik vergisindəki dəyişikliklərlə bağlıdır. Yeni qanuna əsasən, dəyəri 1 milyon funtdan yuxarı olan kənd təsərrüfatı torpaqlarının vərəsəliyinə 20% vergi tətbiq olunacaq.
