35 yaşından sonra artıq 10 kilo çəki alan qadınlarda döş xərçəngi riski 41% artıb.
Tədqiqatın nəticələri Cancer Biology and Medicine (CBM) jurnalında dərc olunub.
Döş xərçəngi ən çox görülən qadın xərçənglərindən biridir. İnkişaf riski, irəliləyən yaş, pis vərdişlər, ailə və reproduktiv tarix (məsələn, menstruasiya başlama yaşı və ilk hamiləlik yaşı), postmenopozal hormon terapiyası kimi bir sıra amillərin olması ilə artır. Son illərdə piylənmə təkcə süd vəzi xərçəngi deyil, digər bədxassəli şişlər üçün də risk faktoru hesab edilir, lakin artıq çəkinin xəstəliyin ehtimalını artıran dəqiq miqdarı məlum deyil. Tədqiqata həyatlarının beş fərqli mərhələsində çəki dəyişiklikləri və sağlamlıq vəziyyəti izlənilən 73 192 Koreyalı qadın daxil edilib. Nəticələr göstərib ki, 35 yaşından sonra 10 kq-dan çox çəki alan qadınlarda döş xərçəngi riski 41% artıb.
Premenopozal qadınlar üçün (menopozun ilk əlamətlərindən son menstruasiya dövrünə qədər olan həyat dövrü) beş ilə 9,9 kq arasında çəki artımı riskin 89% artması ilə əlaqələndirilib. Menopozdan əvvəl 10 kq və ya daha çox çəki alan insanlarda risk 2,23 dəfə artıb.
//Gülnarə Abasova, Editor.az
