Dəməşqin yaxınlığında yerləşən Əbu-əl-Atə dağı ətrafında döyüşçülər tərəfindən mühüm strateji əhəmiyyət kəsb edən yeraltı tikililər aşkarlanıb.
Musavat.com xəbər verir ki, bazanın görüntüləri telegram kanallarında yayılıb.
Araşdırmalar nəticəsində məlum olub ki, bu qurğular Sovet istehsalı olan və "Skad" adı ilə məşhurlaşan 9K72 "Elbrus" operativ-taktik raket kompleksinin saxlanılması və gizlədilməsi üçün nəzərdə tutulub.
Qeyd edək ki, bu tip yeraltı tikililər əsasən hərbi əməliyyatlar zamanı raket sistemlərinin təhlükəsizliyini təmin etmək, düşmən tərəfindən aşkarlanmasının qarşısını almaq və sürətli şəkildə döyüş vəziyyətinə gətirilməsi üçün istifadə olunur.
"Elbrus" raket kompleksi 1960-cı illərdə Sovet İttifaqı tərəfindən istehsal edilib və əsasən uzaqmənzilli hücumlar üçün nəzərdə tutulub.
Musavat.com
