Hüseyn Arifin 100 illiyinə həsr olunmuş konsert keçirilib - FOTO

M.Maqomayev adına Azərbaycan Dövlət Akademik Filarmoniyasının səhnəsində Azərbaycan şairi Hüseyn Arifin 100 illiyinə həsr olunmuş konsert keçirilib.

Musiqili gecədə Azərbaycan Yazıçılar Birliyipoeziya şöbəsinin rəhbəri, şair İbrahim İdrisli, Azərbaycan Yazıçılar Birliyinin katibi İlqar Fəhmi, akademik Nizami Cəfərov, Millət vəkili Elnarə Akimova, Aşıqlar Birliyinin sədri, professor Məhərrəm Qasımlı, Qazax Xeyriyyə Cəmiyyətinin sədri, professor İlham Pirməmmədov, Hüseyn Arifin ailəsi adından nəvəsi Tural Rəhmanzadə konsertlə bağlı dinləyiciləri ətraflı məlumatlandırıb.

F.Əmirov adına Əməkdar Kollektiv Azərbaycan Dövlət Mahnı və Rəqs Ansamblının instrumental heyətinin müşayiəti ilə (bədii rəhbər və baş dirijor Azərbaycan Respublikasının Xalq artisti Ağaverdi Paşayev, musiqi rəhbəri Mahir İbrahimov) solistlər - Azərbaycan Respublikasının Əməkdar artistləri Almaz Orucova və Babək Niftəliyev, Vəfa Vəzirova, Aşıq Elməddin Məmmədov, Rəvanə Qurbanova, Nurlana Abdullayeva, Avdı Musayev, Xəyal Hüseynov, Aşıq Samirə və Əli Tapdıqoğlu dinləyicilər qarşısında çıxış edib. Konsertdə qiraətçi Azərbaycan Respublikasının Xalq artisti Sabir Məmmədov, Respublika və beynəlxalq müsabiqələr laureatları Rəşad Dadaşov, Firuzə İsmayıl, Hüseynağa Aslanov və F.Əmirov adına Əməkdar Kollektiv Azərbaycan Dövlət Mahnı və Rəqs Ansamblının instrumental heyəti Hüseyn Arifin şeirlərini musiqi ilə vəhdətdə təqdim edərək, konsert axşamını daha yadda qalan edib.

Proqramda Azərbaycan bəstəkarlarının əsərləri və aşıq musiqisi səslənib.

İnformasiya dəstəyi - Trend.Az, Day.Az, Milli.Az
 

Məqaləyə dair fotomateriallar: