Qarlı hava şəraiti ilə bağlı şimal bölgəsində avtomobil qəzaları qeydə alınıb.
Bu barədə Bizim.Media-nın sorğusuna cavab olaraq DİN-nin Mətbuat Xidmətinin Quba regional bölməsinin inspektoru, polis baş leytenantı Xəyal Talıbov məlumat verib.
"Qarlı hava şəraiti ilə bağlı Qusar rayonunda 1 qəza olub iki avtomobilə maddi ziyan dəyib. Quba rayonunda isə 3 qəza nəticəsində yeddi avtomobilə maddi ziyan dəyib. Qeydə alınan hadisələrdə ölən və yaralanan yoxdur", məlumatda bildirilib.
Aytəkin Alxaslı, Bizim.Media, Şimal bürosu
