Ukrayna millisinin aparıcı futbolçularından olan Mixail Mudrikin DÇ-2026-nın seçmə mərhələsində Azərbaycan yığması ilə oyunları buraxacağı gözlənilir.
Bizim.Media xəbər verir ki, 23 yaşlı yarımmüdafiəçi müsbət dopinq testinə görə 4 illik diskvalifikasiya ilə üzləşə bilər.
Belə ki, oyunçunun “A” nümunəsində qadağan olunmuş maddə aşkar edilib. Yaxın günlərdə “B” nümunəsinin açıqlanması gözlənilir.
Qeyd edək ki, Mudrik 2023-cü ildən İngiltərənin “Çelsi” klubunda çıxış edir.
Onun London təmsilçisi ilə müqaviləsinin müddəti 2031-ci ilin yayınadək qüvvədədir.
Onu da bildirək ki, Azərbaycan millisi Ukrayna ilə ilk oyununu 2025-ci il sentyabrın 9-da evdə, növbəti qarşılaşmasını isə oktyabrın 13-də səfərdə keçirəcək.
Bizim.Media
