"Ənənəvi mediada süni intellektin yaratdığı imkanlar və risklər dəqiq dəyərləndirilməklə istifadə edilməlidir".
Mia.az xəbər verir ki, bunu Medianın İnkişafı Agentliyinin (MEDIA) İcraçı direktoru Əhməd İsmayılov "Media Savadlılığı" konfransında deyib.
"Bu, bir tərəfdən media təhsilinin təkmilləşdirilməsini, digər tərəfdən mediada savadlı istehlakçıların yetişdirilməsini ehtiva edir. Beynəlxalq təcrübədə ölkələr tərəfindən media savadlılığının artırılması istiqamətində ən çox istifadə edilən strategiya mövzunun bir çox səviyyələrdə tədris sisteminə daxil edilməsi və bununla bağlı koordinasiyalı tədbirlərin görülməsidir".
