Ulu Öndər Heydər Əliyevin nadir fotoları silsiləsindən növbəti şəkillər paylaşılıb. Yayılan bu fotolar 1993-cü ildə Naxçıvanın Şərur rayonunun Vərməziyar kəndində çəkilib.
Missiya.Az xəbər verir ki, Ulu Öndər Heydər Əliyev Naxçıvan MR Ali Məclisinin sədri olarkən Azərbaycanda meydan hərəkatının ilk şəhidi Mikayıl Babayevin ailəsini ziyarət edib. Ziyarətdə Ulu Öndər şəhidin anası Həcər Babayeva ilə görüşərək ona təskinlik verib və şəhidin xatirəsini əbədiləşdirməyin vacibliyindən danışıb. Elə bu ziyarətdən sonra Heydər Əliyev şəhid Mikayıl Babayevin məzarı üzərində məqbərə ucaldılması barədə göstəriş verib.
Qeyd edək ki, şəhid Mikayıl Babayev Türk Ağsaqqalları İctimai Birliyi – TAİB-in təsisçisi Ramin Əhmədovun dayısıdır. Paylaşdığımız unikal fotolar da elə R.Əhmədovun böyüdüyü evdə çəkilib.
