“Media Savadlılığı” Konfransı çərçivəsində “Rəqəmsal dövrdə gənclər və media savadlılığı” adlı panel sessiya təşkil edilib.
Medianın İnkişafı Agentliyinin Media dəstək layihələri, strateji planlaşdırma və informasiya texnologiyaları departamentinin müdiri Ləman İsgəndərovanın moderatorluğu ilə keçirilən panel sessiyada AKTİ idarə heyətinin sədri Vüqar Əliyev, Prezident mükafatçısı, “Regional İnkişaf” İctimai Birliyinin Layihələr və könüllülərlə iş şöbəsinin müdiri Adilə Əliyeva, Azərbaycan Televizisiyasının İctimaiyyətlə əlaqələr və sosial media şöbəsinin rəisi, mətbuat katibi Rüfət Seyidov, Prezident mükafatçısı, Gənclərin İnkişaf və Karyera Mərkəzinin Baş direktoru Azər Əliyev spiker qismində fikirlərini bölüşüblər.
Bildirilib ki, qlobal informasiya mühitinin dinamik və əlçatan xarakteri bir çox həssas istifadəçi qruplarını, o cümlədən uşaq, yeniyetmə və gəncləri medianın mənfi təsirlərinin birbaşa hədəfi halına gətirir, ona görə də, beynəlxalq təcrübədə bu sahədə görülən işlər ilkin olaraq həmin kateqoriya şəxslər üçün maarifləndirmə və tədris proqramlarının icrası istiqamətində həyata keçirilir.
Panelin sonunda “Media Savadlılığı” mövzusunda keçirilən onlayn testin qalibləri mükafatlandırılıb.
