BBC-nin araşdırmasına görə, "Facebook" İsrail-Qəzza müharibəsi zamanı Fələstin xəbər agentliklərinin auditoriyaya çatma imkanlarını ciddi şəkildə məhdudlaşdırıb. Məlum olub ki, Fələstin ərazilərində, xüsusilə Qəzza və İordan çayının qərb sahilində fəaliyyət göstərən xəbər mərkəzlərinin qarşılıqlı əlaqə nisbətləri 2023-cü ilin oktyabr ayından etibarən əhəmiyyətli dərəcədə azalıb.Xüsusilə müharibə dövründə sosial media Qəzza daxilindən səslərin eşidilməsi üçün mühüm kanal halına gəlib. Bununla belə, BBC-nin 20 aparıcı Fələstinin xəbər mənbəyinin "Facebook" ilə qarşılıqlı əlaqəsini araşdıran hesabatında HƏMAS-ın 7 oktyabr 2023-cü ildəki hücumlarından sonra qarşılıqlı əlaqənin 77 faiz azaldığı ortaya çıxıb.Məsələn, 5,8 milyon izləyicisi olan Fələstin televiziyası yazılarının əhatə dairəsinin 60 faiz azaldığını bildirib.Tədqiqat həmçinin eyni dövrdə İsraildəki 20 xəbər mənbəyinin (məsələn, Yediot Ahronot, Israel Hayom kimi) "Facebook" ilə qarşılıqlı əlaqəsini araşdırıb. Bu səhifələrdə qarşılıqlı əlaqə nisbətlərində 37 faiz artım olub."Meta" bu vəziyyətin qəsdən olmadığını və müəyyən səsləri boğmaq ittihamlarının tamamilə yanlış olduğunu bildirib.Şirkət müharibənin əvvəlində müvəqqəti məhsul və siyasət tədbirləri gördüyünü etiraf edib, lakin bu tədbirlərin ifadə azadlığı ilə nifrət məzmununun yayılmasının qarşısının alınması arasında tarazlıq yaratmağa çalışdığını söyləyib.Fələstinli jurnalistlər onların məzmununun "Meta" tərəfindən kölgə qadağası tətbiqinə məruz qaldığını iddia edirlər."Meta" əməkdaşları ilə müsahibələrində BBC 2023-cü ilin oktyabrında "Instagram"ın alqoritmində dəyişiklik edildiyini açıqlayıb. Bu dəyişiklik fələstinli istifadəçilərin şərhlərinin daha sərt moderasiyasına səbəb olub."Meta" mühəndisi bu qərarın Fələstin istifadəçilərinə qarşı yeni qərəz yarada biləcəyindən narahatlığını ifadə edib."Meta" nifrət məzmununun artması səbəbindən bu tədbirləri gördüyünü söyləsə də, bu siyasətlərin nə vaxt geri çəkildiyi barədə məlumat verməyib.
