Rusiyanın paytaxtında ölkəsinə hərbi texnika göndərən çinli tələbə saxlanılıb.
Qaziler.az xəbər verir ki, bu barədə “SHOT” kanalı məlumat yayıb.
Qeyd edilib ki, bu günlərdə paytaxt universitetlərinin birində Aviasiya mühəndisliyi fakültəsində təhsil alan 27 yaşlı çinlinin evində axtarışlar aparılıb. Telegram kanalının məlumatına görə, o, vətəninə zirehli gödəkçələr, silah gilizləri və digər texnika göndərib. Onun yataqxanadakı otağından yüzdən çox sovet və rus istehsalı olan əşyalar tapılıb.
Əcnəbi tələbə Mərkəzi Poçt Gömrük İdarəsinin əməkdaşları tərəfindən saxlanılıb. Eyni zamanda, şübhəli BR2 və BR4 gülləkeçirməz jiletlər üçün zirehli lövhələr və tank əleyhinə qumbaraatana bənzəyən konstruksiyalar aldığını da bildirib.
QAZİLER.AZ
