106 yaşını qeyd edən amerikalı qadın uzunömürlülüyünün sirrini danışıb.
HİT.az bu barədə Upi.com-a istinadən xəbər verir.
Ohayo ştatından olan Florens Hekmen ad günü münasibətilə qocalar evində keçirilən tədbirdə uzunömürlülüyünün sirrini bölüşüb. 106 yaşlı qadın bunun bir günü bir günə calamaq, pozitiv qalmaq və mütəmadi olaraq viski içmək olduğunu deyib.
"Mən sadəcə insanlarla nəzakətli olmağa çalışıram, hər şey budur", deyə Florens əlavə edib.
Qocalar evi nümayəndələrinin sözlərinə görə, Florens dostları ilə tez-tez görüşür, müxtəlif tədbirlərdə iştirak edir və hətta idman mövzularında aktiv müzakirələr aparır. O, xüsusilə "Sinsinnati Benqals" komandası ilə bağlı oyunları izləməkdən zövq alır və digər sakinlərlə sonuncu matçların nəticələrini müzakirə etməyi çox sevir.
Samir
