Türkiyənin tanınmış və qalmaqallı ifaçısı Yıldız Tilbe, 18 yaşında çəkilmiş arxiv fotosunu izləyiciləri ilə paylaşıb. Hazırda 58 yaşında olan müğənni, gənclik illərinə aid bu görüntüsü ilə diqqət çəkib. İzləyicilər şərhlərdə onun görünüşünü müzakirə edərək, bəzi hallarda oğlana bənzədiyini qeyd ediblər.
Musavat.com bildirir ki, Yıldız Tilbe, 16 iyul 1966-cı ildə İzmirin Konak ilçəsində anadan olub. Kürt və Zaza kökənli ailənin altı övladından ən kiçiyidir. Ailəsi içində “Yadigar” ləqəbi ilə tanınırdı. Orta məktəbi ikinci sinifdə tərk edərək, erkən yaşlarda musiqi karyerasına başlayıb. 18 yaşında Güngör Karahan ilə evlənib və bu evlilikdən Sezen Burçin adlı bir qızı dünyaya gəlib. Beş illik evlilikdən sonra cütlük ayrılıb.
Yıldız Tilbe, musiqi karyerası boyunca özünəməxsus tərzi və qalmaqallı açıqlamaları ilə tanınıb. Sosial mediada aktiv olan müğənni, zaman-zaman arxiv fotolarını və şəxsi həyatına dair paylaşımlar edir.
