Rusiyanın Murmansk vilayətində sərnişin qatarı ilə yük qatarı toqquşub.
Avtosfer.az xəbər verir ki, hadisə dəmir yolunun Murmansk ərazisindən keçən hissəsində yerləşən “Knyajnaya” stansiyasında baş verib. Bu barədə Rusiya Dəmir Yolları məlumat yayıb.
Bildirilir ki, toqquşma zamanı sərnişin qatarının 3 vaqonu və yük vaqonları relsdən çıxıb.
Qəza nəticəsində 11 nəfər xəsarət alıb. Qatarda 326 sərnişinin olduğu bildirilib.
Hazırda zərərçəkənlərin sayı dəqiqləşdirilir.
Namiq Musayev
