Gəncədə xəsarətlə nəticələnən yol-nəqliyyat hadisəsi qeydə alınıb.
Bizim.Media-nın yerli bürosunun məlumatına görə, hadisə şəhərin Poçt qəsəbəsində baş verib.
Mopedlə hərəkətdə olarkən, 1984-cü il təvəllüdlü Seymur Hacıyev idarəetməni itirərək yol kənarındakı zibil qutusuna çırpılıb.
Qəza zamanı mopedin 40 yaşlı sürücüsü ağır bədən xəsarətləri ilə xəstəxanaya çatdırılıb. Ona ilkin tibbi yardım göstərilib, vəziyyətinin orta ağır olduğu bildirilir.
Faktla bağlı araşdırma aparılır.
Məqsəd Rəhimov, Bizim.Media, Qərb Bürosu
