ABŞ dövlət katibi Antoni Blinken iddia edir ki, Vaşinqtonun Suriyadakı vəziyyətə müdaxiləsi olmasa, ərəb respublikasında çox güman ki, diktatura və ya ekstremist rejim qurulacaq.
Publika.az xəbər verir ki, o, bu iddianı çərşənbə günü Amerika Xarici İşlər Nazirliyinin stenoqramını dərc etdiyi "Foreign Affairs" jurnalına müsahibəsində açıqlayıb.
Blinkenin sözlərinə görə, Birləşmiş Ştatlar Suriyanın "müsbət istiqamətdə hərəkət etməsini" təmin edir: "Heç bir zəmanət yoxdur. Bir diktatorun digəri ilə əvəz oluna biləcəyini, bir kənar təsirin ola biləcəyini çox görmüşük. Bir ekstremist qrup öz yerini başqa bir ekstremist qrupa verə bilər. Bizim iştirakımız olmadan, bizim rəhbərliyimiz olmadan hər şeyin bu istiqamətdə gedəcəyini bilirik.
Biz bilirik ki, Suriyanın terrorizm üçün yuva, kütləvi köçkünlük mənbəyi olmasına icazə versək, ölkə nəyə çevrilə bilər. Bu, Suriyadan uzaq olan ölkələr üçün ciddi nəticələrə gətirib çıxara bilər”, - ABŞ dövlət katibi vurğulayıb.
