Bakıda idman kompleksinin həyətində 23 yaşlı qızın meyiti tapılıb.
KONKRET.az qafqazinfo-ya istinadən xəbər verir ki, hadisə gecə saat 03 radələrində Xətai rayonu Xocalı prospektində baş verib.
Xocalı prospekti 25 ünvanında yerləşən idman kompleksinin həyətində Bakı şəhər sakini 2001-ci il təvəllüdlü Nərmin Bəylər qızı İsgəndərovanın meyiti aşkar edilib. İlkin müayinə zamanı meyit üzərində zorakılıq əlaməti aşkar edilməyib.
Gənc qızın kompleksin həyətinə hansı məqsədlə gəlməsi, ölüm səbəbi və sair hələlik məlum deyil. N.İsgəndərovanın mütəmadi olaraq idman zalına getdiyi və buna dair görüntüləri sosial şəbəkə səhifəsində paylaşması məlum olub.
Faktla bağlı araşdırmalar aparılır.
***
KONKRET.az xəbər verir ki, Nərmin bir neçə gün əvvəl bədənşəkilləndirmə əməliyyatı etdirib. Daha sonra onun vəziyyəti pisləşib./oxuaz
