Bu gün futbol üzrə Avropa Konfrans Liqasında 2024/2025 mövsümünün Liqa mərhələsinin sonuncu – 6-cı turunun oyunları keçiriləcək.
Arena.az xəbər verir ki, bütün qarşılaşmalar eyni gündə baş tutacaq.
Türkiyənin “Başakşəhər” komandası səfərdə Belçika təmsilçisi “Serkl Brügge” ilə görüşəcək. İstanbul təmsilçisi mərhələ adlamaq üçün mütləq son turda qələbə qazanmalıdır. Əks halda qardaş ölkə təmsilçisi mübarizəni elə bu mərhələdə dayandırmalı olacaq. “Fiorentina” (İtaliya) səfərdə Portuqaliyanın “Vitoriya” komandasını sınağa çəkəcək. Maksimum nəticə ilə irəliləyən və vahid lider olan İngiltərənin “Çelsi” klubu isə evdə “Şemrok Rovers” (İrlandiya) ilə qarşılaşacaq.
Qeyd edək ki, Avropa Konfrans Liqasında pley-off mərhələsinin püşkatma mərasimi dekabrın 20-də baş tutacaq.
Avropa Konfrans Liqası
Liqa mərhələsi, 6-cı tur
19 dekabr
00:00. “Larne” (Şimali İrlandiya) – “Gent” (Belçika)
00:00. “Çelye” (Sloveniya) – TNS (Uels)
00:00. “Yagelloniya” (Polşa) – “Olimpiya” (Sloveniya)
00:00. “Borats” (Bosniya və Herseqovina) – “Omoniya” (Kipr)
00:00. Baçka Topola (Serbiya) – Noa (Ermənistan)
00:00. “Panatinaikos” (Yunanıstan) – “Dinamo” (Minsk, Belarus)
00:00. “Harts” (Şotlandiya) – “Petrokub” (Moldova)
00:00. “Luqano” (İsveçrə) – “Pafos” (Kipr)
00:00. “Serkl Brügge” (Belçika) – “Başakşəhər” (Türkiyə)
00:00. “Vitoriya” (Portuqaliya) – “Fiorentina” (İtaliya)
00:00. “Rapid” (Avstriya) – “Kopenhagen” (Danimarka)
00:00. APOEL (Kipr) – “Astana” (Qazaxıstan)
00:00. “Yurqorden” (İsveç) – “Legiya” (Polşa)
00:00. “Haydenhaym” (Almaniya) – “Sankt Qallen” (İsveçrə)
00:00. “Molde” (Norveç) – “Mlada Boleslav” (Çexiya)
00:00. “Betis” (İspaniya) – HJK (Finlandiya)
00:00. LASK (Avstriya) – “Vikinqur” (İslandiya)
00:00. “Çelsi” (İngiltərə) – “Şemrok Rovers” (İrlandiya)
