Nigeriyanın cənubundakı Oyo əyalətində təşkil edilən yarmarkada yaranan izdihamda 32 uşağın həyatını itirdiyi açıqlanıb.
"Cebheinfo.az" xarici mətbuata istinadən xəbər verir ki, bu barədə Oyo İnformasiya Komissarı Dotun Oyelade məlumat verib.
O, əyalətin paytaxtı İbadanda təşkil edilən xüsusi yarmarkada böyük izdiham yaşandığını bildirib.
Oyelade izdihamda 32 uşağın həyatını itirdiyini, çox sayda uşağın isə yaralandığını açıqlayıb.
Yaralıların ətraf xəstəxanalara çatdırıldığını bildirən Oyelade, hadisə ilə bağlı istintaqın davam etdiyini bildirib.
Oyo qubernatoru Seyi Makinde açıqlamasında hadisə ilə bağlı istintaq başladıldığını və yarmarkanın təşkilatçılarının saxlanıldığını bildirib.
