Abxaziyalı deputat Vaxtanq Qodandzia respublika parlamentinin binası yaxınlığında baş verən atışma nəticəsində həlak olub.
"Bakuinfo" xəbər verir ki, bu barədə Abxaziyanın Səhiyyə Nazirliyinin məlumatına bildirilib.
Digər deputat Kan Kvarçia isə qolundan yaralanıb. Onun Respublika Xəstəxanasında yardım aldığı deyilir.
Bundan əlavə, Respublika Daxili İşlər Nazirliyinin səlahiyyətlərini icra edən Robert Kiut deyib ki, atışmada şübhəli bilinən deputat Adqur Xaraziyadır. Onun sözlərinə görə, deputat hadisə yerindən qaçıb.
Abxaziya parlamenti yaxınlığında atışma dekabrın 19-da günortadan sonra məlum olub. İki deputatın yaralandığı bildirilir. Hadisə yerinə istintaq-əməliyyat qrupu gəlib.
