İngiltərənin “Financial Times” qəzeti ABŞ-ın yeni seçilmiş prezidenti Donald Trampı “İlin adamı” elan edib.
Qəzet Trampın yenidən prezident seçilməsini “ABŞ tarixindəki ən dramatik dönüş” adlandırıb.
FT daha əvvəl Trampı 2016-cı il prezident seçkilərində Hillari Klintonu səsvermədə üstələyərək qalib gəldiyi zaman da “İlin Adamı” seçmişdi. “Tramp hakimiyyətə qayıdışının əlamətdar təbiətinə görə bu il yenidən FT-nin seçimidir. Artıq Trampı təsadüf kimi rədd etmək mümkün deyil”, – nəşr yazır.
FT qeyd edir ki, ABŞ-da “Trump 2.0” xaricdə “yeni bir ikonoklazma” vəd edir. Qəzet yazır ki, Çin, Rusiya, İran və Şimali Koreya üçün Donald Trampın prezidentliyi “bir nəslin şansı ola bilər”. “Tramp dünyanı ABŞ-ın müttəfiqləri ilə dolu olduğu cəngəllik kimi görür. NATO-nun gələcəyi tarazlıqda asılıdır”, – FT yazır.
Xatırladaq ki, dekabrın 12-də “Time” jurnalı da Donald Trampı “ilin adamı” seçib. Nəşrin yazdığına görə, Tramp 2024-cü ildə “gənc kişi seçiciləri aktivləşdirməklə Amerika elektoratını dəyişib” və “bir çox cəhətdən tarixi qələbə” əldə edib. “Time” həmçinin 2016-cı ildə də Trampı “İlin Adamı” seçmişdi.
//Samir Qurbanov, Editor.az
